天氣太熱, 實在攞我命, 食完餐飯, 飲埋2大碗湯不斷抺汗, 最後都忍唔住去沖涼, 雖然話食飽飯唔好去沖涼, 但頂唔順啦. 呢個夏天真係要簡單又簡單, 盡可能唔煲湯啦,忍下啦. 熱死我.
今餐煮得簡單, 唔想係廚房咁耐, 上星期係超市買了急凍鰻魚, 本應下醬油4湯匙+味霖4湯匙去煮照燒汁, 然後倒入蛋汁, 蓋上蓋, 大火煮10秒, 然後熄火焗1分鐘搖下個鑊, 就倒在熱辣辣的飯面(我再放飯煲蓋係碗面焗佢一陣).
黑仔呀, 煮時搵唔到味霖, 早上重好似見到咁. 原來個枝係日本米酒, 真係發雞盲. 唯有用樽裝的照燒醬開水煮開. 又要調較水量. 真係麻鬼煩. 煮完出來個味道都係差少少.
No comments:
Post a Comment