有排骨係度, 已經想左好耐攞黎做豉汁排骨飯定係咕嚕肉好. 最後都係咕嚕肉. 因為未試過煮.
為左方便食, 所以把骨去掉, 同豬骨一起汆水攞黎煲番茄薯仔豬骨湯. 早上等雨停了去雜貨店買罐頭菠蘿, 真係好, 佢有細罐裝.
前年把食譜炒下, 用鹽,豉油,生粉及蛋汁把肉醃好. 煮時把肉沾上生粉下油內炸透盛起. 然後下少少油去鑊, 炒香乾葱片及蒜片, 加入菠蘿,青椒,黃椒,同埋汁(水4湯匙+白醋1湯匙+茄汁1.5湯匙+生粉3/4茶匙)煮滾後把肉回鑊, 兜幾下搞掂.
雖然功夫多了, 現在熱辣辣的天氣, 間中食下酸酸地的餸菜幫助開胃呀.
No comments:
Post a Comment