昨天看網上壹周刊, 內文有黃雙如小姐講解合桃糊的做法, 見食譜簡單, 即刻用筆寫低, 食譜是8人份量. 睇下合桃的份量, 把它除4之後, 再打開廚櫃, 拿出剩下的合桃來磅. 真好彩, 剛剛夠用. 合桃是上次回港在旺角朗豪坊地庫的紹香園買. 去衣焗香的. 就咁食都已經香脆可口.
昨日浸了米粒, 今早把合桃在白鑊炒一炒, 大少看電視, 突然問我係咪焗梗野, 我話唔係呀, 不過... 我炒梗合桃. 炒好後和米粒及水一起用攪拌機攪勻. 工作枱放上了攪拌器後, 以我的高度, 打開蓋都睇唔到入面係咪打好, 叫大少睇下, 佢話得就得啦.
雖然下午下大雨, 但心情依然靚靚. 因為有我心愛的合桃糊. 和大少回家後立即開爐煲熱佢, 不斷攪勻下冰糖. 大少話"麥唔係凍食咩?" 我話凍就無咁好食, 個面起衣呀. 天氣都唔係咁熱, 佢見熱食, 又開著風扇, 一路食一路吹. 真係好好食, 好香. 連大少都話"好好味!"
No comments:
Post a Comment