太多廚餘係度, 係時候清一清. 真係估唔到星期五扣起的芽菜, 今日都無變壞, 可以炒埋一份. 全部材料有豬潤, 豬柳, 冬菇,芽菜同椰菜.
炒麵跟台灣的阿基師傅做法, 淥好麵條, 盛起, 加入油拌一拌. 咁炒的時候完全唔洗下油, 乾鑊去煎至2面黃. 咁就有外脆內軟的質感. 豬柳用豉油,老抽,少少鹽,生粉拌勻, 一段時間後先下油撈一撈, 再逐少加入水直至肉片索去水份. 豬潤用生粉撈勻, 過水清洗, 索乾水份, 用豉油,老抽,少少鹽, 少少糖同薑汁酒撈勻, 加入生粉. 汁料係雞湯,水, 蠔油, 老抽,鮑汁及生粉水埋茨.
煮好材料同茨汁, 那時碟麵已經放係枱上一段時間. 估唔到用剪刀剪開麵條時, 都有脆脆的聲音. 椰菜同芽菜又脆脆. 連豬潤同脆脆. 豬柳非常之腍. 大少都係個句, 好味.
No comments:
Post a Comment