好鍾意食白汁雞皇飯, 又鍾意煮, 因為方便同快, 係飲食男女雜誌見到Ricky師傅寫了食譜出來. 當然立即抄低, 今日就去煮.
係新加坡的2蚊店(等於香港10蚊店)買了個小煲, 預備煮白汁用. 之前用易潔鑊, 攪到個煲花晒. Ricky 師傅話白飯煮好, 拌入牛油及鹽, 2個人份量約大半湯匙牛油啦. 另外煮白汁- 牛油大半湯匙左右, 煮溶後下麵粉13克用小火煮2分鐘, 然後熄火, 倒入忌廉100毫升及雞湯200毫升, 再開中火煮至滾, 轉小火煮2分鐘, 蓋上蓋.
另一鑊用牛油炒香雞件, 洋葱, 青紅黃椒, 菌, 小火炒4分鐘, 倒入白汁內. 開火煮滾就可以淋上飯面. 牛油飯非常香. 而且配料都係用牛油炒, 所以非常香. 好味呀!!!
No comments:
Post a Comment